Diskgolf i Brattvåg
Diskgolf er eit nytt prosjekt for å auke breidda i Brattvåg IL. Leiar Øyvind Lervåg informerte om ei bane med 12 hull som kan utvidast seinare og vil ligge i terrenget ved dagens idrettsanlegg. Anlegget er planlagt finansiert med dugnadar og støtte/gåver.
Han hadde med seg diskgolfentusiast Ben Døving som fortalde om sporten generelt og om sine eigne, gode erfaringar som diskgolfspelar. Sporten eignar seg særs godt som ein familieaktivitet, men er elles populær blant folk i alle aldrar.
Bana er tenkt å starte ved Klubbhuset for derifrå å svinge seg rundt i området nord og aust for Haram VS før den går sørover til skogen aust og sør for grasbana.
Dette blir den fjerde diskgolfbana i Haram. Frå før finst det liknande anlegg på Lepsøya, Hildre og Eidet.
1. mars 2024
Årsfest i Brattvåg Rotaryklubb
Årsfesten gjekk føre seg på Brattvåg Fjordhotell med heile 52 gjestar. Trerettars middag med god underhaldning skapte god stemning ved bordet.
Jorun U. Fjørtoft og Bjørn Sandnes vart tildelt Paul Harris medalje og Roar Sperre vart tatt opp som ny medlem
13. februar 2024
Bedriftsbesøk på Nogva
I kveld var vi på omvisning hos Nogva Motorfabrikk i Søvik. Kjell Norvoll tok oss med på ei reise frå oppstart i 1913 og fram til i dag. Nogva er ei fantastisk bedrift med ei imponerande utvikling. Tusen takk for at vi fekk komme!
30. januar 2024
Dugnad - ferdigmontering av bileta til omsorgssentra
Møtet vart via til ferdigstilling av bilder som skal hengast opp på Haram Omsorgsenter og Eidet Omsorgsenter.
Stort engasjement av medlemmane i klubben.
Marthe Fjørtoft frå Haramsnytt var også tilstades i samband med ein reportasje om prosjektet.
22. januar 2024
Demensteamet i Haram
Ann Cathrin Nyhammer og Sølvi Barstad informerte oss om arbeidet sitt i Demensteamet i Haram. Vi fekke lære både om demenssjukdommen(e) og om korleis dei arbeider med desse pasientene. Interessant og nyttig lærdom av to engasjerte damer!