Brattvåg IL sitt nye klubbhus
Brattvåg IL sitt nye klubbhus var gjenstand for kveldens møte. Leiar i byggjemenda, vår eigen Arne Vågnes, tok imot oss oppe i dei fine selskapslokala. Han presenterte byggjeprosjektet og byggjeprosessen for oss før vi fekk sjå dei flotte areala.
Brattvåg IL har fått eit staseleg bygg som vil tjene klubben i mange år framover. I underetasjen ligg dei fire garderobene med dusjrom og eigne toalett. I tillegg finn vi romslege dommargarderobar, eit førstehjelps-/dopingrom, styrkerom, vaskerom, lager og ein romsleg kiosk. I andre høgda finn vi ei rikhaldig kontorfløy med eigen spelarlounge, stort selskapsareal med eit godt utstyrt kjøken, toaletter, lager og heis. Selskapslokalet kan ta i mot ca 100 gjester, men kan enkelt delast opp for mindre grupper. Klubbhuset er sjølvsagt bygt etter prinsippa om universell utforming.
Som seg hør og bør vart det servert marsipankake og kaffi til dei frammøtte.
Det høyrer også med i denne samanhengen at i juni skal Brattvåg Rotaryklubb feire sitt 60-årsjubileum i desse fine lokala!
4. mars 2025
"Mama Clara Norge" v/ Erna Rogne
I kveld fekk vi besøk av Brattvågaren Erna Rogne som i 2009 starta opp organisasjonen Mama Clara Norge for å hjelpe barn i Peru.
Det har blitt 18 turar til Peru. Med sin ståpåvilje har har Erna m/hjelparar bidratt til å endre skjebnen til mange barn.
19. februar 2025
Asylmottak i Hamnsundet
Siv Kathrin Ulla Hagala er leiar ved det nyoppstarta asylmottaket i Hamnsundet. Ho fortalde om oppstarten og drifta av mottaket som er for ungdom mellom 15 og 18 år. Pr i dag huser mottaket 24 unge jenter og gutar frå ulike land, flest frå Ukraina.
12. februar 2025
Bilder til Haram kvileheim, Longva
Denne kvelden fekk vi montert dei 15 bileta som skal til Haram Kvileheim på Longva. Alle bileta har motiv frå øyane, og det er lokale fotografar som har donert dei til dette prosjektet.
22. januar 2025
Kva skjer på Ingebrigt Davikhuset?
Kjetil Heggdal, dagleg leiar på ID-huset, fortalde om drifta av føretaket og presenterte programmet for det komande halvåret.
2024 ble eit godt år med godt besøk og gode billettinntekter. Også i 2025 kan publikum gle seg til eit allsidig og godt program.
27. november 2024
Bedriftsbesøk ved Valaker Bakeri & Konditori
Bedrifta ble oppstarta av Gyda og Marvin Valaker i Søvik i 1957. Vi ble tatt godt i mot av dottera deira, Liv Valaker Røren og Johanne Alvestad som gav oss ein gjennomgang av bedrifta si utvikling.
Vi fekk også omvisning i produksjonslokala v/Alf Røren
20. november 2024
Bærekraft og sirkuærøkonomi v/Jill Vatle
Jill Vatle arbeider til dagleg ved Kongsberg Maritime. Ho har utdanning innan Bærekraft og Sirkeløkonomi og gav oss ei god innføring, m.a. om FN sine 17 bærekraftsmål.
Ho orienterte også om Kongsberg Maritime sine satsingsområde i høve dette temaet.
11. november 2024
Guvernørbesøk på Sula
I år var 8 av medlemmane våre på Sula for å møte guvernøren vår, Lidun Hareide. I tillegg til Sula Rotaryklubb, var også Spjelkavik Rotaryklubb med på møtet.
Som vanleg nytta guvernøren høve til å motivere og engasjere klubbane til vidare innsats.
6. november 2024
Bedriftsbesøk hos AAPW i Eidsvika
Vi besøkte AAPW (Aalesund Protectiv Wear) i Eidsvika der vi ble godt motatt av dagleg leiar Peder Aakre og to av dei tilsette.
Firmaet leverer merkevarer (AAlesund oljeklede, Strakofa, Regatta, Blæst) og har eit stort varelager i Eidsvika med 6 tilsette.
23. oktober 2024
Brattvåg IL sitt nye klubbhus
Brattvåg IL har i mange år planlagt nytt klubbhus No er det godt håp om å få realisert planane etter at private investorar har kome på bana. Leiar i byggjenemnda, Arne Vågnes, presenterte både dei nye teikningane og finansieringsplan.
22. oktober 2024
Hjelp Rotary å utrydde polio nå!
24. oktober er verdas poliodag.
Så lenge det er i polio i verda, er det fare for spreiing, og derfor held vi i Rotary fram med å utrydde polio. Til det treng vi di hjelp.
Klubbane på Nordre Sunnmøre vil markere dagen med å lyse opp Fjellstua i raudt.