Bedriftsbesøk på Haram Industrier
Haram Industrier AS er ei Vekst-bedrift i skjerma sektor. Det betyr at ein sysselsett personar som for kortare eller lengre tid har behov for en tilrettelagt arbeidsplass. Bedrifta har tett samarbeid med Nav Haram og næringslivet elles i distriktet vårt.
Vi vart godt tatt i mot av dagleg leiar Terje Aulstad og nestleiar og fagleg leiar Reidun Balstad Stavne.
Haram Industrier AS er eigd av Haram Kommune og har i alt knapt 50 sysselsette. Av desse er det 25 VTA plassar (varig tilrettelagt arbeid). Bedrifta er godkjent opplæringsbedrift og har mekanisk verkstad, snikkarverkstad, montering/pakkeavdeling, bruktbutikk og utegruppeavdeling som driv med beskjæring, plenklipping m.m. I tillegg har dei eit arbeids- og aktivitetssenter.
Den viktigaste oppgåva er å bidra til å utvikle menneske og byggje sjølvtillit til kvar einskild, gje dei ein meiningsfull kvardag, avklare arbeidsevna og/eller gje hjelp til å komme i gang i yrkeslivet.
Vi takkar for eit interessant møte med dedikerte og dyktige leiarar som med stort engasjement og kompetanse har bidratt til ein trygg og viktig arbeidsplass for så mange.
11. november 2024
Guvernørbesøk på Sula
I år var 8 av medlemmane våre på Sula for å møte guvernøren vår, Lidun Hareide. I tillegg til Sula Rotaryklubb, var også Spjelkavik Rotaryklubb med på møtet.
Som vanleg nytta guvernøren høve til å motivere og engasjere klubbane til vidare innsats.
6. november 2024
Bedriftsbesøk hos AAPW i Eidsvika
Vi besøkte AAPW (Aalesund Protectiv Wear) i Eidsvika der vi ble godt motatt av dagleg leiar Peder Aakre og to av dei tilsette.
Firmaet leverer merkevarer (AAlesund oljeklede, Strakofa, Regatta, Blæst) og har eit stort varelager i Eidsvika med 6 tilsette.
23. oktober 2024
Brattvåg IL sitt nye klubbhus
Brattvåg IL har i mange år planlagt nytt klubbhus No er det godt håp om å få realisert planane etter at private investorar har kome på bana. Leiar i byggjenemnda, Arne Vågnes, presenterte både dei nye teikningane og finansieringsplan.
22. oktober 2024
Hjelp Rotary å utrydde polio nå!
24. oktober er verdas poliodag.
Så lenge det er i polio i verda, er det fare for spreiing, og derfor held vi i Rotary fram med å utrydde polio. Til det treng vi di hjelp.
Klubbane på Nordre Sunnmøre vil markere dagen med å lyse opp Fjellstua i raudt.
9. oktober 2024
Kommunalsjef Lill-Therese H. Eidsvik
Kommunalsjef for barnehagar og skule, Lill-Therese Eidsvik, fortalde litt om seg sjølv og sin bakgrunn, men mest om det viktige arbeidet med å byggje opp eit godt og berekraftig kommunalområde for barnehage og skule. Eit interessant og givande foredrag!
28. mai 2024
Kommunalsjef Kristin Fjeld-Eiken
Med ansvar for kommunalområde Plan Eigedom Landbruk Teknisk skal Kommunalsjef i Haram, Kristin Fjeld-Eiken saman med staben sin levere eit vidt spekter av lovpålagte tenester.
Vi møtte ein engasjert og kreativ kommunalsjef vi gler oss å følgje vidare.
11. april 2024
Støttekonsert for Ukraina
Saman med andre klubbar i området var Brattvåg Rotaryklubb med på å arrangere ein støttekonsert med eit kor frå Ukraina.
Ei fullsatt kyrkje fekk ei stor kulturell oppleving, der krigssituasjonen i Ukraina samtidig kom nært innpå oss som var til stades.
2. april 2024
Brattvåg svømmeklubb - ein ny giv
Brattvåg svømmeklubb har det siste året fått ein ny giv med mange nye medlemmer og stor aktivitet.
Representantar frå styret og dei aktive fortalde om klubben og dei ulike aktivitetane dei har, t.d. svømmeopplæring, konkurransesvømming og familiebading.
19. mars 2024
Inner Wheel v/Erna Johnsen
Erna Johnsen, president i InnerWheel Brattvåg, orienterte om klubben, distriktet og internasjonalt. Jobber med kvinnerelaterte saker lokalt og internasjonalt. Historie og utvikling gjennom 100 år.
6. mars 2024
"Før jeg forsvinner" ved Ingebrigt Steen Jensen
Møtet var flytta til Ingebrigt Davikhuset for å høyre på Ingebrikt S. Jensen fortelje om demenssjukdommen sin. Gjennom bruk av både skjemt og alvor tok han oss med på ei rørande og alvorleg sjukdomshistorie til ettertanke for eit lydhørt publikum.