Plasser innhold her
Vi tok turen til Brandal og Hjørungavåg for å lære meir om ulike delar av vår felles historie. Besøka på hhv. Ishavsmuséet og Vikinghuset gav oss god innsikt både i fangstliv i Arktis og vikingekultur på Sunnmøre og ikkje minst; på fantastisk dugnadsånd.
Takk til Lars Sellereite som tok i mot oss i Brandal og som fortalde om fangstskutene som kvar vår gjekk frå Brandal til Ishavet og kom heim att med skuta full av fangst. Vi fekk gå ombord i ei av desse skutene, Aarvak, og bli orientert om det tøffe livet på desse turane.
Vi fekk også kome inn på muséet som i fire etasjar var fyllt med gjenstandar, minne og historier frå denne viktige næringa. Etterpå fekk vi lunsj med bacalao og selgryte på menyen - sjølvsagt.
Takk også til Ole Frank Bakken som tok i mot oss ved Vikinghuset i Hjørungavåg og som fortalde oss om prosjektet med bygginga av dette huset, frå tanken vart sådd til det no står nærast ferdig. Så langt mogleg, er det nytta 1000 år gamle byggeteknikkar på dette praktbygget. Det skal opnast i slutten av mai. Ei imponerande historie om ståpå-vilje og dugnadsinnsats frå bygdefolket!
22. januar 2025
Kjetil Heggdal, dagleg leiar på ID-huset, fortalde om drifta av føretaket og presenterte programmet for det komande halvåret.
2024 ble eit godt år med godt besøk og gode billettinntekter. Også i 2025 kan publikum gle seg til eit allsidig og godt program.
27. november 2024
Bedrifta ble oppstarta av Gyda og Marvin Valaker i Søvik i 1957. Vi ble tatt godt i mot av dottera deira, Liv Valaker Røren og Johanne Alvestad som gav oss ein gjennomgang av bedrifta si utvikling.
Vi fekk også omvisning i produksjonslokala v/Alf Røren
20. november 2024
Jill Vatle arbeider til dagleg ved Kongsberg Maritime. Ho har utdanning innan Bærekraft og Sirkeløkonomi og gav oss ei god innføring, m.a. om FN sine 17 bærekraftsmål.
Ho orienterte også om Kongsberg Maritime sine satsingsområde i høve dette temaet.
11. november 2024
I år var 8 av medlemmane våre på Sula for å møte guvernøren vår, Lidun Hareide. I tillegg til Sula Rotaryklubb, var også Spjelkavik Rotaryklubb med på møtet.
Som vanleg nytta guvernøren høve til å motivere og engasjere klubbane til vidare innsats.
6. november 2024
Vi besøkte AAPW (Aalesund Protectiv Wear) i Eidsvika der vi ble godt motatt av dagleg leiar Peder Aakre og to av dei tilsette.
Firmaet leverer merkevarer (AAlesund oljeklede, Strakofa, Regatta, Blæst) og har eit stort varelager i Eidsvika med 6 tilsette.
23. oktober 2024
Brattvåg IL har i mange år planlagt nytt klubbhus No er det godt håp om å få realisert planane etter at private investorar har kome på bana. Leiar i byggjenemnda, Arne Vågnes, presenterte både dei nye teikningane og finansieringsplan.
22. oktober 2024
24. oktober er verdas poliodag.
Så lenge det er i polio i verda, er det fare for spreiing, og derfor held vi i Rotary fram med å utrydde polio. Til det treng vi di hjelp.
Klubbane på Nordre Sunnmøre vil markere dagen med å lyse opp Fjellstua i raudt.
9. oktober 2024
Kommunalsjef for barnehagar og skule, Lill-Therese Eidsvik, fortalde litt om seg sjølv og sin bakgrunn, men mest om det viktige arbeidet med å byggje opp eit godt og berekraftig kommunalområde for barnehage og skule. Eit interessant og givande foredrag!
28. mai 2024
Med ansvar for kommunalområde Plan Eigedom Landbruk Teknisk skal Kommunalsjef i Haram, Kristin Fjeld-Eiken saman med staben sin levere eit vidt spekter av lovpålagte tenester.
Vi møtte ein engasjert og kreativ kommunalsjef vi gler oss å følgje vidare.
11. april 2024
Saman med andre klubbar i området var Brattvåg Rotaryklubb med på å arrangere ein støttekonsert med eit kor frå Ukraina.
Ei fullsatt kyrkje fekk ei stor kulturell oppleving, der krigssituasjonen i Ukraina samtidig kom nært innpå oss som var til stades.
Møtested: Hautunet
Adresse: Knutv 2
Postnummer: 6270
Sted: Brattvåg
Land: NO
Møtedag: Onsdag
Møtetid: 19:15
Møtespråk: no
