Bedriftsbesøk på Haram Industrier
Haram Industrier AS er ei Vekst-bedrift i skjerma sektor. Det betyr at ein sysselsett personar som for kortare eller lengre tid har behov for en tilrettelagt arbeidsplass. Bedrifta har tett samarbeid med Nav Haram og næringslivet elles i distriktet vårt.
Vi vart godt tatt i mot av dagleg leiar Terje Aulstad og nestleiar og fagleg leiar Reidun Balstad Stavne.
Haram Industrier AS er eigd av Haram Kommune og har i alt knapt 50 sysselsette. Av desse er det 25 VTA plassar (varig tilrettelagt arbeid). Bedrifta er godkjent opplæringsbedrift og har mekanisk verkstad, snikkarverkstad, montering/pakkeavdeling, bruktbutikk og utegruppeavdeling som driv med beskjæring, plenklipping m.m. I tillegg har dei eit arbeids- og aktivitetssenter.
Den viktigaste oppgåva er å bidra til å utvikle menneske og byggje sjølvtillit til kvar einskild, gje dei ein meiningsfull kvardag, avklare arbeidsevna og/eller gje hjelp til å komme i gang i yrkeslivet.
Vi takkar for eit interessant møte med dedikerte og dyktige leiarar som med stort engasjement og kompetanse har bidratt til ein trygg og viktig arbeidsplass for så mange.
14. mai 2025
"Arvids historie"
Arvid Sundli, eit av våre nyaste medlemmar, presenterte si historie frå oppveksten på Kvithaugen, Brattvåg via tidleg jobberfaring, fagbrev og sivilingeniørstudier i Trondheim og ein imponerande jobb-CV til han i dag sit som dagleg leiar i Bra Elektro.
9. april 2025
Pensjonistfesten på Kulturkaféen
Det ble ei triveleg stund for dei 84 pensjonistane som fann vegen til Kulturkaféen denne kvelden. Reidun og Tore slo an tonen i starten med lett gjenkjennelege melodiar for gjestane. Så gjekk det slag i slag med bevertning, loddsal og anna underhaldning.
26. mars 2025
Sport1 Brattvåg v/Per A. Johansen
Sport 1 Brattvåg starta opp for 23 år sidan og vart spådd ei dyster framtid. Ein har heldigvis gjort desse spådommene til skamme og har overlevd godt desse åra.
Per Arne tok spesielt føre seg el-sykkelen og utviklinga på det feltet den seinare tida.
19. mars 2025
Løvemammaene og Robotek
Vi møttest på Bygdestova på Vatneeidet der Lions Club Haram inviterte til eit todelt møte, først med Løvemammaene, ein organisasjon for barn og unge med ulike funksjonsvanskar, deretter med Robotek, som m.a. utvikler hjelpemidler for rulestolbrukarar.
4. mars 2025
"Mama Clara Norge" v/ Erna Rogne
I kveld fekk vi besøk av Brattvågaren Erna Rogne som i 2009 starta opp organisasjonen Mama Clara Norge for å hjelpe barn i Peru.
Det har blitt 18 turar til Peru. Med sin ståpåvilje har har Erna m/hjelparar bidratt til å endre skjebnen til mange barn.
19. februar 2025
Asylmottak i Hamnsundet
Siv Kathrin Ulla Hagala er leiar ved det nyoppstarta asylmottaket i Hamnsundet. Ho fortalde om oppstarten og drifta av mottaket som er for ungdom mellom 15 og 18 år. Pr i dag huser mottaket 24 unge jenter og gutar frå ulike land, flest frå Ukraina.
12. februar 2025
Bilder til Haram kvileheim, Longva
Denne kvelden fekk vi montert dei 15 bileta som skal til Haram Kvileheim på Longva. Alle bileta har motiv frå øyane, og det er lokale fotografar som har donert dei til dette prosjektet.
22. januar 2025
Kva skjer på Ingebrigt Davikhuset?
Kjetil Heggdal, dagleg leiar på ID-huset, fortalde om drifta av føretaket og presenterte programmet for det komande halvåret.
2024 ble eit godt år med godt besøk og gode billettinntekter. Også i 2025 kan publikum gle seg til eit allsidig og godt program.
27. november 2024
Bedriftsbesøk ved Valaker Bakeri & Konditori
Bedrifta ble oppstarta av Gyda og Marvin Valaker i Søvik i 1957. Vi ble tatt godt i mot av dottera deira, Liv Valaker Røren og Johanne Alvestad som gav oss ein gjennomgang av bedrifta si utvikling.
Vi fekk også omvisning i produksjonslokala v/Alf Røren
20. november 2024
Bærekraft og sirkuærøkonomi v/Jill Vatle
Jill Vatle arbeider til dagleg ved Kongsberg Maritime. Ho har utdanning innan Bærekraft og Sirkeløkonomi og gav oss ei god innføring, m.a. om FN sine 17 bærekraftsmål.
Ho orienterte også om Kongsberg Maritime sine satsingsområde i høve dette temaet.